Славното семејство Гудјонсен против Македонија го доби третиот стрелец

Aндри Гудјонсен, синот на легендарниот Еидур Гудјонсен кој своевремено играше за Челзи и Барселона вчера во натпреварот против Македонија го постигна својот деби гол.

Иако имавме предност од 0:2 Исланд успеа во финишот да постигне два гол и да извлече реми. Еден од головите беше дело на Андри. Тој го постигна голот за 1:2.

Неговиот гол привлече внимание затоа што тој е третиот од славното семејство кој постигнува гол во дресот на исландската репрезентација. Пред него голови постигнаа неговиот дедо Арнор кој во националниот дрес постигна 14 голови. Таткото на Андри, Еидур е најдобриот стрелец во историјата на исландската репрезентација со 26 гола.

Инаку, Андри е член на младинците на Реал Мадрид и голем талент од кој Исланд многу очекува во иднина.