Рикелме: Меси ќе освои ЛШ со ПСЖ, а потоа ќе се врати во Барса

Ова лето Лионел Меси ја напушти Барселона и се пресели во ПСЖ, па се уште не стивнуваат импресиите од овој голем трансфер.

Легендата на аргентинскиот фудбал Хуан Роман Рикелме, вели дека е среќен поради трансферот на Меси во ПСЖ, но верува дека ќе се врати на „Камп Ноу“.

Рикелме беше играч на Барселона од 2002 до 2005 година и тврди дека приказната помеѓу Меси и Барса се уште не е завршена.

„Се надевам дека Меси ќе ужива во Париз. Не знам дали е чудно, но сите сме возбудени да го гледаме заедно со Мбапе и Нејмар. Ако не ја освојат ЛШ сега, тогаш не знам дали ќе ја освојат некогаш“, истакна Рикелме.

„Мислам дека Меси ќе ја освои ЛШ со ПСЖ и ќе се врати во Барселона“, заклучи Аргентинецот.