Солскјер и Клоп за новите правила: Не, ова не е фудбал

Манчестер Јунајтед во 2. коло од Премиер лигата одигра 1:1 со Саутемптон, а после натпреварот во Јунајтед беа разочарани поради судењето.

Менаџерот на Јунајтед, Солскјер тврди дека неговиот тим е оштетен при голот на Саутемптон бидејќи верува дека голот е постигнат после прекршок врз Фернандеш.

„Да, требаше подобро да реагираме. Да, требаше Фред да го блокира ударот. Меѓутоа и судијата требаше да досуди прекршок. Тоа беше чист прекршок.“ – рече Солскјер.,

Пред почетокот на сезоната беше одлучено судиите ќе дозволуваат погруба игра и нема да гледаат офсајд во милиметри. До таквите промени дојде бидејќи минатата сезона се судеше и најмал контакт помеѓу играчите и голем број погодоци беа поништени поради неколку милиметри.

„НЕверојатно. Фудбалот оди од една крајност во друга. Не може претходната сезона да се суди како да играме кошарка, а оваа сезона нашиот спорт да изгледа како рагби. И јас сакам груба, машка игра, но кога е прекршок, тогаш е прекршок.“ – додаде Солскјер.