Симеоне сака тандем Влаховиќ – Суарез, Атлетико нуди 60 милиони евра

Голем интерес во кај европските гиганти владее за напаѓачот на Фиорентина Душа Влаховиќ.

Пред неколку дена се појави вест дека Влаховиќ е пред договор со Фиорентина за продолжување на соработката, но сега се појавил Атлетико Мадрид.

Како што пренесуваат дел од италијанските и шпанските медиуми Атлетико за Влаховиќ испратил понуда од 60 милиони евра и Фиорентина има 48 часа да даде одговор на истата.

„Виолетовите“ прават се за да го задржат Влаховиќ барем уште една сезона, беа блиску до остварување до целта, но ќе видиме дали понудата од „јорганџиите“ ќе ја промени ситуацијата.

Симеоне сака да оформи тандем Влаховиќ-Суарез кој сигурно дека има потенцијал да биде еден од најдобрите во Европа. Влаховиќ во минатата сезона постигна 21 гол.

Претходно многу со Влаховиќ се поврзуваа Интер и Тотенхем.