Умтити одбива да замине: Благодарам, но сакам да го испочитувам договорот

Барселона испрати понуда до Самуел Умтити за раскинување на договорот, но фудбалерот се заблагодари и ја одби понудата.

Барселона сакаше ова лет да се ослободи од Умтити кој како и уште неколку играчи е оценет како „вишок“. На Барселона и се потребни финансии за да го продолжи договорот со Меси без да го прекрши финансискиот фер-плеј.

Сепак Французинот порача дека сака да остане.

„Благодарам за понудата за раскинување на договорот, но јас ќе останам и ќе го испочитувам договорот“, изјави Умтити.

Ова секако не е добра вест за челниците на Барселона. Умтити во Барселона дојде пред пет години, а од тој момент имаше големи проблеми со повредите.