Нант го претстави Лазаров: Верувам во моите соиграчи и одвај чекам да заиграм за овој клуб

Француски Нант денес го промовираше македонскиот интернационалец, Кирил Лазаров во своите редови.

Лазаров по неколку сезони минати во Барселона одлучи дека посакува нов предизвик, па замина во Нант каде гледа сериозен проект во иднина.

За официјалниот сајт на францускиот тим, денес Кире истакна:

„Од година во година Нант расте како тим. Знаев дека мојот иден клуб ќе биде дел од Лигата на шампионите. Одвај чекам да стартува новата сезона и во ЛШ и домашното првенство“, истакна капитенот на македонската репрезентација.