Ѓоковиќ загуби сет, па го прегази противникот на Вимблдон

Новак Ѓоковиќ со загубен прв сет го започна Вимбдон, а потоа го прегази младиот Британец, Џек Дрејпер (4:6/6:1/6:2/6:2).

За време на првиот сет, бранителот на трофејот имаше проблеми со привикнување на новата подлога, неколку пати проклиза на тревата и тоа го искористи домашниот тенисер па го освои сетот.

Потоа Ѓоковиќ заигра онака како што се очекува, па немаше проблеми со 19-годишниот тенисер, на кого му дозволи само пет гема во следните три сета.

Во второто коло, Ѓоковиќ го очекува подобриот од дуелот Кевин Андерсон и квалификантот Бариос.