Двоен удар на Јувентус: Шчешни и Де Шиљо во Торино

„Скај Италија“ пренесува дека Јувентус договорил две нови засилувања, а станува збор за Матија де Шиљо од Милан и Војчех Шчешни од Арсенал.

Де Шиљо веќе подолго време беше на радарот на „бјанконерите“, па конечно постигнаа договор со Милан.

Италијанскиот репрезентативец одби да го продолжи договорот со „росонерите“, па Јувентус за неговиот потпис ќе плати 12 милиони евра плус бонуси.

Шчешни исто така од поодамна имаше постигнато договор со „бјанконерите“ и следната сезона ќе биде замена за Буфон, а „старата дама“ за него ќе плати 11 милиони плус 2 милиони како бонус.

Голманот се очекува утре да пристигне на прегледи во Торино, додека Де Шиљо ќе пристигне наредните денови бидејќи моментално е во Кина на турнеја со Милан.