Капело: На Рома не и е доволен само Мурињо

Легендарниот италијански тренер Фабио Капело денес во медиумите ја коментираше веста дека Жозе Мурињо ќе биде нов тренер на Рома.

Капело е важно име во историјата на Рома затоа што со римскиот клуб ја освои титулата шампион во 2001 година, а околу доаѓањето на Мурињо во Рим не е оптимистичен.

„Само одличен тренер не е доволен за успех. На Рома и се потребни и подобри играчи. Мурињо е големо име и искусен тренер кој многу добро ја познава Италија, па ќе му биде лесно да се прилагоди. Се надевам дека ќе биде добар како и во Интер“, изјави Капело.