Атлетико и Јувентус во битка за потписот на Милик

Францускиот весник „Екип“ пренесува дека Јувентус и Атлетико Мадрид се силно заинтересирани за напаѓачот на Марсеј, Аркадиуш Милик.

Полскиот напаѓач имаше несогласувања во Наполи, па во јануари премина во Марсеј. Испратен е на позајмица со обврска за откуп на неговиот договор за 8 милиони евра.

Меѓутоа, француски „Екип“ тврди дека постои клазула според која Марсеј може да го продаде ако добие понуда од 12 милиони евра.

Атлетико Мадрид и Јувентус сакаат да ја искористат таа опција и за малку пари да доведат квалитетн напаѓач.

Милик во француската Лига 1 до сега одигра осум меча на кои постигна 4 гола, па и самиот е спремен да направи чекор напред во кариерата.