Јувентус до крајот на јуни мора да продаде за 100 милиони

Италијанскиот шампион Јувентус е во големи финансиски проблеми и годината ја заврши со минус од 113 милиони евра.

Италијанските медиуми пренесуваат дека „бјанконерите“ до крајот на јуни мораат да продадат играчи за 100 милиони евра за да ги „испеглаат“ финансиите во клубот.

Неколку играчи се поврзуваат со заминување од Јувентус, а се очекува клубот најголема заработка да оствари од продажбата на Пауло Дибала, чија цена изнесува 50 милиони евра.

На излезна врата се уште Бернардески, Рамзи и Рабио, па Јувентус не би требало да има проблем да обезбеди 100 милиони евра.

Интерес постои и за Кулушевски, но „старата дама“ не сака да го продаде младиот фудбалер и сигурно ќе му даде уште една шанса.