Романија без селекторот во натпреварот против Македонија?

Селекторот на репрезентацијата на Романија, Мирел Радои е позитивен на коронавирус и многу веројатно тој нема да ја води селекцијата во натпреварот против Македонија.

Радои требаше да има прес-конференција, но таа е откажана откако тој ја известил јавноста во Романија и националниот тим за неговата ситуација. Македонија против Романија ќе игра на 25 март во Букурешт.

„Во текот на вчерашниот ден направив тест на Ковид и за жал тој даде позитивен резултат. Немам симмптоми и се надевак дека е грешка. Едвај чекам да заврши карантинот од 14 дена и да се вратам на обврските“, изјави Радои.

Во наредните неколку дена ќе му биде направен нов тест и ако на тој добие позитивен резултат тогаш дефинитивно нема да биде на клупата на Романија на 25.