Фоњини му создаде проблеми, но не успеа да го сопре Мареј

Бранителот на титулата од лондонски Вимблдон, Енди Мареј со потешкотии успеа да обезбеди пласман во осминафиналето од турнирот.

Фоњини дефинитивно беше непријатен противник за Мареј, иако Британецот на крајот славеше со 3:1 во сетови.

Мареј првиот сет го доби со 6:2, додека вториот му припадна на Фоњини со 6:4. Во следните два сета Британецот успеа да издвојува триумф, па ги доби со 6:1 и 7:5.