Јувентус го сака капитенот на Милан

Италијанскиот шампион Јувентус е сериозно заинтересиран за капитенот на Милан, Алесио Ромањоли, пренесуваат италијанските медиуми.

Ромањоли на лето влегува во последната година од договорот, а преговорите за продолжување на соработката не одат во добра насока.

Имено, неговиот агент Мино Раиола бара значително зголемување на платата, а Милан нуди 4 милиони евра по сезона, што е само половина милион повеќе од актуелната плата на дефанзивецот.

Таквата ситуација сака да ја искористи Јувентус и да го доведе Ромањоли во Торино, бидејќи „старата дама“ е во потрага по квалитетен дефанзивец.

Милан ќе се обиде да постигне договор со Ромањоли за нов договор, во спротивно за неговата слобода ќе бара 35 милиони евра.