Кончено и Клоп има причина за радост

Напаѓачот на Ливерпул, Диого Жота ќе започне со целосни тренинзи со тимот оваа недела, пренесуваат медиумите на Островот.

Португалецот е надвор од терените на 9 декември, кога се повреди на мечот против Митиланд во Лигата на шампиони.

Неговото отсуство беше голем удар за Клоп, бидејќи Жота одлично ја започна својата авантура на „Енфилд“, откако пристигна во септември.

Англиските медиуми пренесуваат дека Жота ќе започне со тренинзи во среда, но најверојатно нема да биде дел од тимот за мечот со Шефилд Јунајтед.

Се очекува да се врати на терените за дербито со Челзи кое на програмата е на 4-ти март.