Тажен момент за Клоп: Почина неговата мајка, а тој не може да присуствува на погребот

Денес стратегот на Ливерпул, Јирген Клоп доби тажна вест. На 81 годишна возраст починала неговата мајка.

Посебно болно за Клоп е што поради рестрикциите за пандемијата од Ковид-19 нема да може да се врати во Германија и да присуствува на нејзиниот погреб. Во таков случај Клоп би морал да оди прво 14 дена во карантин што сред фудбалска сезона би било тежок удар за Ливерпул.

„Ми значеше се, беше мајка во вистинска смисла на зборот. Верувам дека сега е на некое подобро место. Поради оваа пандемија не можам да присуствувам на нејзиниот погреб, но штом околностите се подобри ќе одржиме комеморација“, изјави Клоп.