Ријека го испраќа Милан Ристовски на позајмица во Спартак Трнава

Maкедонскиот младински репрезентативец Милан Ристовски ќе се врати во шампионатот на Словачка.

Ристовски најмалку до крајот на сезоната ќе го носи дресот на Спартак Трнава каде што ќе игра како позајмен фудбалер. Во овој клуб се очекува по тешката повреда да се врати во ритам.

Словечка не е непозната дестинација за Ристовски тој веќе играше во оваа земја во тимот на Нитра. Пред Нитра и Ријека, Милан Ристовски го носеше дресот на Кршко од Словенија и Работнички.

Инаку, за оние што не се запознаени Милан Ристовски е брат на Стефан Ристовски, македонскиот репрезентативец во А-селекцијата.

Очекувањата се наредната сезона Ристовски да се врати во Ријека.