Откриено колку точно килограми има пикерот на Конго

Геинтер Мвумби Тиери е вистински хит на Светското првенство во ракомет без оглед што игра за репрезентацијата на Конго која е тотален аутсајдер.

За Мвумби се зборува веќе со денови, првенствено поради неговиот физички изглед бидејќи на теренот изгледа како џин во однос на останатите. Официјалната страна на Светското првенство објави дека има 89 килограми, но јасно е дека тоа е погрешна информација.

Специјализираниот портал за ракомет „Handnews“ во текстот посветен на Конго пишува дека Мвумби е тежок 137 килограми и висок 195 сантиментри.

„Јас сум пивот кој освојува простор. Никогаш во животот не сум сонувал дека ќе играм на едно Светско првенство затоа ќе дадам се од себе затоа што ова може да се случи и само еднаш. Морате и да уживате“, додаде Мвумби.

На последниот натпревар против Данска Мвумби постигна четири гола и покажа дека има квалитет.