Милан пред комплетирање на првиот зимски трансфер

Милан бара засилување во одбраната и најголема желба во зимскиот преоден рок ќе биде големиот француски талент, Мохамед Симакан.

20-годишниот Французин минатата сезона блесна во дресот на Стразбур и покажа дека станува збор за еден од најголемите француски таленти.

Симакан одигра 25 меча во сите натпреварувања за Стразбур и го привлече вниманието на многу европски клубови, а со добрите игри продолжи и оваа сезона.

Директорот Малдини призна дека преговорите се во тек, а медиумите тврдат дека играчот веќе се договорил со „росонерите“.

Последните информации се дека двата клуба се блиску до договор за трансфер тежок 15 милиони евра.