Ливерпул се „слизна“ против ВБА🎥

Ливерпул им приреди непријатно изненадување на фановите, откако одигра само 1:1 против ВБА на „Енфилд“.

„Црвените“ испуштија добра прилика да се одлепат на врвот од табелата во англиската Премиер лига.

Мечот започна одлично за Ливерпул кој дојде до водство во 11-та минута со голот на Садио Мане. Потоа „црвените“ продолжија да доминираат и да создаваат шанси, но не ги реализираа.

Казната стигна во 80-та минута кога Семи Ајави израмни после еден корнер. Во последната минута Фирмињо имаше одлична шанса, но не погоди, па двата тима ги поделија бодовите.