Биелса до колегите во ПЛ: Повеќе нема да ви го кажувам составот

Марсело Биелса пред претходниот натпревар на Лидс против Вест Хем го откри составот на два дена пред мечот, но сега не се реши за такво нешто.

Тренерот на Алиоски пред натпреварот со Вест Хем откри со каков состав ќе игра. Менаџерот на Вест Хем, Дејвид Мојс истакна дека тоа било само блеф на Биелса, а Аргентинецот сега му одговори.

„Во тоа што го направив немаше ништо некоректно. Некоректно би било вие да мислите дека имате некаква предност ако ги знаете првите 11. Но, за да се избегнат било какви непријатности сега нема да ви кажувам кој ќе игра, а кој не“, изјави Биелса.