Елмас и друштвото сезонава се уште без плата во Наполи

Италијанската „Газета дело Спорт“ објави дека персоналот во Наполи, тренерите и играчите се уште не добиле плата оваа сезона и тоа влијае лошо на тимот.

Се шпекулираше за инцидент на тренерот Гатузо со некои фудбалери, меѓутоа сега се пишува и за други проблеми во Неапол. Ниту еден член на Наполи не добил плата оваа сезона, тврди „Газета“.

Според информациите клубот дал ветување дека првата плата ќе ја исплати овие денови и дека ќе се запази рокот од Фудбалската федерација на Италија (1. декември).

Во овој момент Наполи се наоѓа на шестатата позиција со освоени 14 бодови од осум натпревари.