Ѓоковиќ во Лондон брка три рекорди на Федерер

Новак Ѓоковиќ со победа го почна Мастерсот во Лондон против Диего Шварцман со 2-0 во сетови и ја брка шестата титула во Лондон.

Ѓоковиќ, доколку го освои турнирот во Лондон, ќе собори три рекорди на Роџер Федерер. За еден веќе долго време се зборува, а тоа е бројот на недели поминати на првото место на АТП-листата.

Исто така, би делел рекорд со Федерер доколку го освои шестиот трофеј на турнирот, но доколку му успее тоа, тогаш Србинот ќе стане најстар тенисер кој го освоил Завршниот турнир.

Федерер овој рекорд го држи веќе девет години. Тој во 2011 година го освои трофејот на 30 години, а Ѓоковиќ во моментов има 33 години.