Барди е најдобриот странец во историјата на Леванте

Угледниот шпански весник „Марка“ го избра нашиот репрезентативец Енис Барди за најдобар странец во 111 годишната историја на Леванте.

Барди, кој поради повреда не можеше да игра во историскиот меч против Грузија, веќе неколку сезони блеска во дресот на Леванте.

Леванте веќе стигна до 100-от јубилеен меч за Леванте, а веќе е најдобриот стрелец странец во историјата на клубот.

„Откако дојде во клубот во летото 2017 година, Барди се промовираше како најдобар стрелец-странец во клубот со 19 гола, кои ги постигна во овој период, а ова му е четврта сезона во клубот. Го мина Мустафа Рига, кој досега беше рекордер со 17 гола. Предминатата недела стигна до 100 меча во дресот на Леванте и тој е само деветиот играч кој успеал да стигне до троцифрен број на настапи во најсилната лига“, пишува „Марка“.