Арсенал му ја „краде“ најголемата трансфер желба на Милан

Ѕвездата на Салцбург, Доминик Собослај готово сигурно ќе ја промени средината во јануари, пренесуваат италијанските медиуми.

Собослај долго време е на радарот на Милан, но последните информации говорат дека Арсенал е фаворит за потписот на унгарскиот репрезентативец.

20-годишниот играч за врска има договор со Салцбург до 2025 година и откупна клаузула од 25 милиони евра.

Неговиот агент потврди дека Собослај во летото бил блиску до трансфер во Милан, но сега во трката се вклучил и клуб од Премиер лигата.

Собослај оваа сезона одигра 12 меча во сите натпреварувања на кои постигна 5 гола.