Марадона примен во болницата во Ла Плата

Легендарниот Диего Марадона изминатата вечер бил примен во болницата во Ла Плата.

Во овој момент нема конкретни информации поради што легендарниот Марадона е хоспитализиран во болницата. Марадона инаку изминатите неколку дена беше во центарот на вниманието по повод неговиот 60. роденден.

Медиумите шпекулираат дека не е во прашање коронавирусот и дека Диего има други проблеми.

Дека Марадона не е во најдобро здравје можеше да се види и во дуелот помеѓу Химназија и Патронато кога му беше приредено роденденско изненадување, а неговиот тим славеше со 3:0.

На овој дуел Марадона не можел да се движи сам и едвај ги поздравил фановите.