Ван Бастен: Ван де Бек не требаше да оди во Манчестер Јунајтед

Легендата на холандскиот фудбал, Марко ван Бастен смета дека неговиот сонародник Дони ван де Бек погрешил што се преселил во Манчестер Јунајтед.

23-годишниот играч за врска ова лето го напушти Ајакс и за 40 милиони евра се пресели на „Олд Трафорд“, но до сега ниту еднаш не се најде во стартниот состав на „црвените ѓаволи“.

„Дони не требаше да оди во Манчестер Јунајтед. Секој фудбалер сака да игра редовно. Знам дека сега тој добива многу повисока плата, но кога си играч на така високо ниво треба да играш секоја недела. Дони требаше да почека подобри можности и да се пресели во друг клуб“, изјави Ван Бастен.