Ноер зад себе остави уште една легенда на Баерн, пред него сега е само Кан

Фудбалерите на Баерн вчера сезоната во која ја бранат европската титула ја отворија со убедлива победа против Атлетико Мадрид со 4:0.

На овој натпревар историја испиша Мануел Ноер кој го сруши рекордот на Сеп Мајер и сега сериозно му се заканува на Оливер Кан.

Имено, за Ноер тоа беше 200. натпревар во кој ја зачува својата мрежа, а за Баерн настапи на вкупно 394 натпревари.

Сеп Мајер на 651 натпревар мрежата на Баерн чиста ја зачува 199 пати, Ноер сега го собори неговиот рекорд. Пред сегашниот голман на Баерн е само Оливер Кан со 247 натпревари без примен гол и за тоа му беа потребни 632 натпревари.