Хулк потврди: Се враќа во Европа!

Бразилскиот напаѓач Хулк потврди дека после четири ипол години играње за Шангај ШИПГ ќе ја напушти Кина.

Хулк има договор со кинескиот клуб до декември и нема намера да го продолжи затоа што сака да ја промени средината. Неговиот план е да се врати во Европа каде што претходно играше одлично за Порто и Зенит.

„Во декември ми завршува договорот и им кажав на луѓето во клубот дека не сакам да го продолжам. Имам интересни понуди од неколку лиги во Европа, а помеѓу нив се клубови кои играат во најсилното европско натпреварување. Добив понуди и од Бразил и Кина, но сакам да се вратам во Европа и да играм во Лигата на шампионите“, изјави 33 годишникот за кој Шангај на Зенит му плати 55 милиони евра.

Интересно е што Хулк и во претходните два клуба помина по четири години и имаше слична статистика. За Порто постигна 77 голови и запиша 61 асистенција. Во Зенит постигна 76 голови ии маше 60 асистенции, додека во Кина постигна 74 гола и подели 54 асистенции.

За Бразил дебитираше пред 11 години и постигна 11 голови на 48 настапи.