Не можеше да верува што се случи: Прекинат пресот на Ѓоковиќ ?

Новак Ѓоковиќ се спремна за првиот меч на Ролан Гарос, но денес остана затечен бидејќи беше прекинато неговото обраќање на новинарите.

Најдобриот тенисер беше прашан за проблемите за пандемијата и можната дисквалификација доколку е позитивен на Ковид 19.

„Мислам дека стресот е стрес само доколку вие го сметате за таков, јас решив да се ослободам од него. Се надевам дека ќе се доведам во ситуација да играм добро во Париз, да бидам негативен на тестот, но ако се случи да не бидан негативен, тоа е што е. Навистина е тажно што некои тенисери на ваков начин се дисквалификувани од турнирите, поради тестовите“, изјави меѓу другото Ѓоковиќ.

Кога вториот новинар се обиде да му постави прашање на Новак, водителот на пресконференцијата го заврши обраќањето на јавноста, што го изненади и самиот Ѓоковиќ.

Медиумите веднаш почнаа да критикуваат дека станува збор за своевидна цензура.