Mитревски повторно блескаше за прва победа на Порто во ЛШ

По натпреварот во португалското првенство во кое Митревски собра 20 одбрани и 18 минути беше без примен гола македонскиот голман имаше уште еден блескав настап.

Вчера Митревски беше одличен против Мешков Брест во Лигата на шампионите. Порто стигна до победа од 27:25, а огромни заслуги одат кај Митревски. Тој успеа да забележи 13 одбрани и имаше 36 проценти одбранети удари.

За португалскиот тим ова е прва победа сезонава во елитната конкуренција. Ќе потсетиме, Порто е во група со македонскиот шампион Вардар.