За Порто продолжи победничката серија, а за Доминик Прпиќ заврши шестмесечното чекање за настап во португалското првенство. Хрватскиот дефанзивец доби само една минута во гостинскиот триумф од 2:1 над Виторија Гимараеш.
Порто во 11. коло ја забележа и 11. победа, а 22-годишниот стопер беше испратен на теренот во четвртата минута од судиското продолжение. Неговата задача во самиот финиш беше да помогне во зачувувањето на минималната предност.
Ова беше 14. настап на Прпиќ за португалскиот клуб по трансферот во летото минатата година. На почетокот добиваше минутажа, но по доаѓањето на повеќе стопери падна во втор план. Пред гостувањето кај Виторија, последниот првенствен натпревар го одигра во мај.
Враќањето на терените му се случи на 28 октомври, во Купот против Академико Визеу. Тогаш беше најдобро оценетиот фудбалер на натпреварот, а сега доби кратка шанса и во лигата.
Зад неговото доаѓање во Порто стои еден од најголемите излезни трансфери на Хајдук. Договорени се 4,5 милиони евра фиксна отштета, можен дополнителен милион преку бонуси и 15 проценти од следната продажба. Прпиќ потпиша петгодишен договор, а според португалските медиуми, откупната клаузула изнесува 60 милиони евра.
Со фиксната сума тој го дели осмото место меѓу најскапите продажби на Хајдук со Нико Крањчар, кој во 2006 година замина во Портсмут. Рекордот го држи Лука Вушковиќ со трансферот во Тотенхем вреден 11 милиони евра.
Прпиќ е роден во Загреб, а во Хајдук пристигна од Локомотива во летото 2017 година. Во јануари 2024 беше приклучен на првиот тим на сплитскиот клуб, за кој собра 50 настапи пред преселбата во Португалија.
Фото: Index.hr
Учество во игри на среќа е дозволено за лица со 18+ години. Играј одговорно!