НЕВЕРОЈАТНО: ПСЖ спремен да плати 100 милиони за голман?!

Клубот од Париз е спремен да го собори светскиот рекорд и тоа за голман.

Фудбалскиот клуб ПСЖ ќе се обиде ова лето да го доведе голманот на Атлетико Мадрид, Јан Облак.

Како што екслузивно пренесува порталот „Goal.com“, ПСЖ е спремен да плати неверојатни 100 милиони евра за неговиот потпис, колку што изнесува неговата откупна клазула.

Облак во претходните месеци се поврзуваше со Манчестер Јунајтед и Челзи, но ПСЖ во овој момент изгледа како најсериозен кандидат да го доведе во своите редови.

Атлетико Мадрид успеа да го задржи Антоан Гризман кој неодамна го продолжи договорот, но прашање е дали истото ќе успее да го направи и со Словенецот.

Облак веќе три години брани на високо ниво и е еден од најдобрите голмани во Европа. Секако, доколку ПСЖ ја плати калзулата и го доведе Облак ќе стане најскапо платениот голман во историјата.