„На многу места на Бејл би му кренале споменик, а Реал не го почитува“

Поранешниот напаѓач на Ливерпул, Питер Крауч смета дека Герет Бејл би се вклопил во тимот на Манчестер Јунајтед.

„Можам да го замислам на „Олд Трафорд“ и чувствувам дека тоа е тип во кој ментално би се вклопил и би придонел за екипата, можеби дури со него и би се бореле за трофеи. Нема многу клубови на светот кои можат да си ја дозволат неговата плата, но Јунајтед е еден од тие малку клубови. Не знам до каде стигнаа со обидите да го доведат Санчо, но и Бејл е опција можеби треба да се обидат барем да го позајмат“.

„За мене е мистерија зошто Реал така очајнички сака да се ослободи од него, не знам што лошо се случило, постигнуваше важни голови, освојуваше трофеи…Во други клубови на Бејл би му кренале споменик, а Реал не го почитува. Јасно е дека мора да најде начин да замине затоа што не игра доволно во последните месеци“, изјави Крауч.