Сега е веќе и официјално – Џакомо Боновентура е нов играч на Фиорентина!
Боновентура пристигнува во Фиорентина после шест години поминати во Милан. Неговиот договор со „росонерите“ истече ова лето и сега потпиша договор на две години со екипата од Фиренца.
Кој ќе биде новиот шампион, Сити или Арсенал? ↓↓↓
Боновентура има 31 година и медицинските прегледи ги заврши претходно оваа недела, па сега има право да почне со тренинзи со новите соиграчи.
Кариерата Боновентура ја започна во младинските категории на Аталанта и премина во Милан за 5.3 милиони евра во преодниот рок 2014 година.
Станува збор за искусен играч кој зад себе има 254 натпревари во Серија А, а за тоа време постигна 44 гола и запиша 38 асистенции. Во текот на престојот во Милан Боновентура одигра 184 натпревари на кои постигна 35 голови и додаде 30 асистенции.
Боновентура е играч кој го застапува Мино Раиола, ова лето се поврзуваше и со Рома сепак на крајот заврши во Фиорентина каде што ќе заработува 2.5 милиони евра по сезона.
? Le prime ore di Jack Bonaventura in viola ⚜️ #ForzaViola ? #Fiorentina #Bonaventura pic.twitter.com/QW61JreO9m
— ACF Fiorentina (@acffiorentina) September 10, 2020
Учество во игри на среќа е дозволено за лица со 18+ години. Играј одговорно!