Не е тајна дека Португалецот Жозе Мурињо имаше огромна желба на „Олд Трафорд“ да го доведе Ерик Дајер од Тотенхем, но…
Мурињо полека ги склопува коцките за новата сезона, а прво засилување беше централниот дефанзивец Виктор Лиделоф кој пристигна од Бенфика.
Луд викенд: "Ел Класико" во Шпанија и супер дербија во Англија и Италија! ↓↓↓
Нема сомневање дека Мурињо ќе ги засилува и останатите линии, а една од неговите најголеми желби беше играчот од средината на Тотенхем, Ерик Дајер.
Англискиот репрезентативец пристигна од лисабонски Спортинг и на „Вајт Харт Лејн“ прикажува фантастични настапи. Дајер започна како дефанзивец, но под водство на Покетино доби „унапредување“ во средниот ред.
Португалецот смета дека Дајер одлично би се вклопил со Ерера и Погба, но Тотенхем за услугите на овој фудбалер бара неверојатни 50 милиони евра, што веројатно ќе го примора „Специјалниот“ да побара нова мета.