Алвеш ги шокира навивачите: Дибала мора да го напушти Јувентус!

Играчот на Јувентус, Дани Алвеш ги шокираше навивачите на „старата дама“ со изјавата која ја даде поврзана за неговиот соиграч, Пауло Дибала.

Имено, Дани Алвеш јавно изјави дека Дибала во иднина ќе мора да го напушти Јувентус доколку сака да напредува во кариерата.

„Дибала ќе направи навистина големи работи во иднина. Тој ми е многу близок и навистина многу го ценам. Сепак моето мислење е следното. Доколку сака да го прикаже сиот свој потенцијал, да се тестира себеси, еден ден ќе мора да си замине од Јувентус. Не знам во кој клуб, но мора да го направи тоа“, изајави Бразилецот.

Силен интерес за Дибала покажуваат Барселона и Реал Мадрид, но Аргентинецот неодамна го продолжи договорот со „бјанконерите“ и сигурно ќе остане во Торино.