Ѕвездата на Баерн побара трансфер

Стоперот сака нов предизвик, но ни потенцијалните купувачи не покажуваат премногу ентузијазам. Дали решението е враќање во ПЛ?

Жером Боатенг сака да го напушти Баерн. Германскиот репрезентативец има 29 години, вели дека бара нов предизвик, но изгледа дека тешко е да успее во својата намера да се пресели во Реал.

Баварците би можеле да го продадат, но во Мадрид оладија, на Зидан не му е потребна замена за Пепе, ќе го форсира Валехо Лопез како замена за Варан и Рамос.

Поради тоа, Боатенг гледа кон Англија, каде што не се прослави во авантурата во Сити. Сепак, тој беше повреден и одигра само 16 натпревари за Сити, па на крајот се врати во Германија.

Сега е актуелен Челси кој бара стопер, неговото искуство би му значело на Конте, но ќе видиме како ќе се одврзе приказната. Боатенг е доведен и во врска со Рома, но тешко дека „Волчицата“ би можела да си го дозволи неговиот трансфер и неговата плата.