Барса сепак не треба да му плати на Ливерпул пет милиони евра?

По освојувањето на титулата на Баерн Минхен една од вестите која најмногу се врти низ медиумите е дека Барселона ќе треба да му исплати пет милиони евра на Ливерпул поради клазула во договорот на Кутињо.

Кутињо е на позајмица во Баерн од Барселона и ја освои Лигата на шампионите, а токму таква клазула имало во договорот помеѓу Барса и Ливерпул. Баерн пак за позајмицата се договорил со Барселона клазулите да бидат обврска на Барселона.

Сепак, сега „Мундо Депортиво“ излезе со објава дека станува збор за лажна вест. Каталонскиот медиум повикувајќи се извори блиски на Барселона пишува дека во договорот на Кутињо не постои таква клазула, туку само клазула ако Барселона со Кутињо ја освои ЛШ, а не Кутињо со друг тим.

Останува да се види што е вистината, а тоа би требало да се дознае со огласување на некоја од страните.