„Марка“ тврди: Меси донел одлука за својата иднина

Барселона денес и официјално го назначи Роналд Куман за нов тренер и ова лето се подготвуваат големи промени во тимот на Каталонците.

Иако претседателот Бартомеу најави сигурно останување на Меси на „Камп Ноу“ и дека Аргентинецот ќе биде централна фигура во тимот на Куман, сепак  не престануваат шпекулациите за неговата иднина.

Меси има уште една година од договорот со Барселона, а еминентната „Марка“ тврди дека донел одлука да не го продолжува договорот.

Аргентинецот не сака да си замине од Барса без обештетување и преферира ова лето да ја промени средината, а најсилен интерес во моментов покажуваат Манчестер Сити и ПСЖ.

Барселона ќе направи се за да го задржи Меси и тешко дека ќе прифати понуда за него ова лето, но постои голема веројатност да го загуби Аргентинецот без обештетување следното лето.