Со Пирло доаѓа и еден нов Јувентус

За нов тренер на Јувентус е назначен легендарниот Андреа Пирло.

Пирло на клупата на Старата дама ќе го има своето прво тренерско искуство, а на клупата пристигна на местото на Маурицио Сари, кој доби отказ откако испадна од ЛШ.

Пирло со сигурност ќе има различен пристап од Сари, а судејќи по неговата изјава од претходната година играта на Старата дама ќе биде офанзивна.

„Сакам да играм во напаѓачка формација 4-3-3 и со многу посед на топка. Тој систем на игра го сакам, но на крајот зависи од играчите. Мора да се прилагодите и на нив. Ако се заклучиш во еден систем на игра и играчите не можат да се прилагодат, тогаш залудно губиш време и нема да го извадиш најдоброто од нив.“

Исто така, знае што му треба на Јувентус за во иднина.

„Проблемот во Јувентус е средниот ред. Го донесоа Роналдо, но мора да најдат вистински начин да му ја додаваат топката.“ – зборуваше неодамна Пирло.

Очигледно е дека со Пирло ќе гледаме многу поофанзивен Јувентус.