Рома и Манчестер Јунајтед не успеаа да постигнат договор со трансфер на Крис Смолинг, па дефанзивецот се враќа на „Олд Трафорд“ откако му истече позајмицата.
Смолинг одигра одлична сезона на „Олимпико“ и Рома се обидуваше да го задржи, но не успеа да постигне договор со Манчестер Јунајтед.
Исхрана, повреди и тренинг – совети од доктор по спортска медицина | Уште еден поткаст
Дефанзивецот денес со емотивна порака се прости од „волчицата“ не криејќи дека е разочаран од развојот на ситуацијата.
„Разочаран сум што не можам да ја завршам сезоната која ја започнавме. Искуството и љубовта која ја добив за краткото време овде беа екстра специјални и никогаш нема да ги заборавам. Сакам да се заблагодарам и да им посакам на сите играчи и стручен штаб се најдобро против Севиља“, истакна Смолинг.
За Смолинг интерес покажуваат неколку италијански клубови, а „црвените ѓаволи“ за неговата слобода бараат 20 милиони евра.
Учество во игри на среќа е дозволено за лица со 18+ години. Играј одговорно!