Волфсбург тргнува по Стефан Ристовски

Македонскиот репрезентативец и член на Спортинг Лисабон, Стефан Ристовски ова лето би можел да се пресели во Бундеслигата.

Имено, Волфсбург бара решение за десната бековска позиција и на нивната листа со желби се нашол токму Стефан Ристовски, пренесува „А Бола“.

Овој тим сезоната во Бундеслигата ја заврши на седмото место со што избори место во квалификациите за пласман во фазата по групи во Лига Европа.

Весникот тврди дека Волфсбург спремил и понуда од 4 милиони евра за македонскиот репрезентативец.

Ристовски го носи дресот на португалскиот тим од 2017 година и досега има одиграно 82 натпревари за „лавовите“, па останува да видиме дали оваа сума ќе ги задоволи нивните апетити.