Малдини го сака скапо платеното засилување на Наполи

Милан во вториот дел од сезоната игра одлично и реши да го задржи тренероѕ Стефано Пиоли, а раководството спреми солиден буџет за засилувања.

„Росонерите“ сакаат значително да го засилат тимот ова лето и кочено да изборат пласман во Топ 4 и да се вратат во Лигата на шампиони.

Еден од приоритетите ќе биде доведување на крилен напаѓач, а Малдини веќе работи на засилување од Наполи.

Имено, „росонерите“ се силно заинтересирани за Ирвинг Лозано, кој не се снајде најдобро во првата сезона во Наполи.

Наполи за неговиот потпис плати 38 милиони евра минатото лето и е спремен да слушне понуди.

Милан е спремен да понуди едногодишна позајмица со право на откуп следното лето за 35 милиони евра.