Баерн Минхен договори големо засилување за следната сезона и со тоа ги победи бројните конкуренти.
Според пишувањата на реномираниот весник „L`equipe“, германскиот шампион го договори трансферот на играчот на Лион, Корентин Толисо, еден од најбараните играчи во овој трансфер период. Исто така, клубот од „Алијанц Арена“ доби „зелено светло“ и од самиот играч кој беше блиску до италијанските клубови Јувентус, Милан и Интер.
Дербија во Мадрид и Минхен: Последна шанса за Тен Хаг? ↓↓↓
Меѓутоа, на крајот, најверојатно 22-годишниот репрезентативец на Франција ќе си замине во Минхен, а Лион ќе заработи големи 40 милиони евра. Иако има договор до 2020. година, Толисо сакаше да го напушти клубот и ќе се бори со нов клуб за трофеи, што кај Карло Анчелоти сигурно ќе има можност следната сезона.
Играчот за врска оваа сезона одигра 47 натпревари за Лавовите, а постигна 14 гола и запиша седум асистенции.