Роналдо донесе одлука за својата иднина и го извести Јувентус

Кристиано Роналдо донел одлука за својата иднина и го известил раководството на Јувентус, пренесува „Тутоспорт“.

Весникот кој е близок до Јувентус тврди дека Роналдо нема намера да ја напушти „старата дама“ и одлуката му ја пренел на претседателот Андреа Ањели.

Роналдо ја отфрил можноста да замине во ПСЖ или да се врати во Манчестер Јунајтед и е подготвен да го одработи договорот со Јувентус во целост, до јуни 2022 година.

Португалецот оваа сезона постигна 28 голови во Серија А досега и стана првиот фудбалер на Јувентус по 60 години кој успеал да постигне над 25 погодоци во една сезона.

Изминатиот период се шпекулираше дека неговата иднина во Јувентус не е сигурна, но Роналдо ќе остане верен на „старата дама“.