Шпекулациите завршија, Интер доби нов тренер!

Она што и се претпоставуваше сега е официјално, Лучијано Спалети е нов тренер на Интер.

Спалети ја водеше екипата на Рома во минатата сезона, но не освои ниту еден трофеј, иако „Волчицата“ под негово водство играше добар фудбал и во еден дел од сезоната претендираше за титулата во Серија А.

На крајот Спалети сепак го напушти Рим, долго се шпекулираше дека ќе премине во Интер, а денес клубот од Милан и официјално потврди дека тој ќе биде нивниот нов тренер.

Спалети пред Рома работеше во Зенит, а во Интер ќе се обиде да најпрво добро да го одработи преодниот рок, а потоа и да го врати Интер во самиот врв на италијанскиот фудбал.