Клоп за засилувањата: Не е само да дојде некој

Менаџерот на Ливерпул, Јирген Клоп истакна дека не планира да потроши милиони на нови засилувања.

„Црвените“ ја освоија титулата во Премиер лигата после три децении чекање. Бидејќи веќе и математички им е обезбеден трофејот во Ливерпул започна да се зборува за евентуалните засилувања.

„Пандемијата од коронавирусот влијаеше на приходите и расходите. Ова ќе биде возбудливо лето кога се трансферите во прашање. Но, кога ќе го погледнам тимот ние не треба да менуваме многу. Ние немаме 11 стартни играчи, туку 16-17. Сите тие можат да играат на исто ниво. Не можеме да потрошиме милиони и милиони. Не е само да дојде некој, треба оној кој ќе дојде да донесе нешто ново. Не се работи за пари туку треба да се биде креативен и да се најде решение“, изјави Клоп.