Majката на Дражен по веста за Новак стравува: Во самоизолација сум, цело време мерам температура

Бисерка Петровиќ, мајката на легендата на кошарката Дражен Петровиќ во Задар пред неколку дена имаше средба со Новак Ѓоковиќ и сега поради тоа стравува дека можеби е заразена со коронавирус.

Како што е познато денес беше потврдено дека тестот на Ѓоковиќ и неговата сопруга е позитивен. Бисерка и Новак имаа средба во Хрватска и на истата се прегрнуваа и разговараа. Сега мајката на Дражен е во страв дека можеби и таа е заразена.

„Немам симптоми, ниту кашлица, ниту температура. Често пати ја мерам, во самоизолација сум. Кога слушнав за Новак веднаш побарав да ми биде направен тест, но ми беше кажано дека треба да почекам. Деновиве треба да ми биде направен“, изјави Бисерка.