Леонард Жута го раскина договорот со Коњаспор и се врати во поранешниот клуб

Maкедонскиот интернационалец Леонард Жута го раскинал договорот со Коњаспор и пронајде нов ангажман.

27 годишниот Жута не се снајде баш најдобро во Турција каде што одигра само осум натпревари после трансферот во 2019 година. Раскинувањето на договорот помеѓу Жута и Коњаспор го искористи тимот на Хакен со кој македонскиот фудбалер потпиша договор на една година.

Ова практично е враќање на Жута во шведскиот клуб каде што играше од 2012 до 2015 година.

Жута е роден во Шведска, меѓутоа има потекло од Македонија, а настапуваше и за репрезентацијата на Македонија.

Ќе потсетиме во редовите на Коњаспор остана еден Македонец, боите на овој тим ги брани Ердон Даци.